Prosiectau gwaith ysgol ac ieuenctid eraill

Wedi'i ddatblygu gan Ganolfan Monitro Arfordirol Cymru (WCMC) y Cyngor gyda chymorth Ysgol Gynradd Ynys y Barri, mae'r Rhaglen Newid Hinsawdd ac Addysg Arfordiroedd yn unol â Chwricwlwm Cymru 2022 newydd a'i nod yw darparu'r sgiliau sydd eu hangen i ddisgyblion ysgolion cynradd i fynd i'r afael â newid yn yr hinsawdd. Ar ôl cofrestru ar gyfer y rhaglen addysg am ddim, darperir cynlluniau gwersi ac adnoddau i ysgolion, a chynigir gwers gyflwyniad dewisol gan WCMC. Mae'r prosiect yn dysgu'r plant am astudiaethau achos lleol, gan gynnwys erydiad yr arfordir ar draeth Llanilltud Fawr. Cynigir cyfle hefyd i ysgolion gymryd rhan mewn podlediad Newid Hinsawdd, lle gall disgyblion gymryd rhan mewn sesiwn holi ac ateb gyda gweithwyr proffesiynol newid hinsawdd. Maent hefyd yn cael eu hannog i wneud cysylltiad ag ysgol ryngwladol, gyda'r nod o wneud disgyblion yn fwy ymwybodol o sut mae newid yn yr hinsawdd yn effeithio ar wahanol rannau o'r byd.