Sut mae'r Cyngor yn cynnig mynd i'r afael â'i ddiffyg yn y gyllideb?

Gallai taliadau am rai gwasanaethau godi, gan gynnwys casgliadau gwastraff gwyrdd.

Byddai mwy o grwpiau chwaraeon a chymunedol yn cael cyfle i ennill mwy o annibyniaeth drwy gymryd drosodd y gwaith o reoli eu cyfleusterau, trefniant sydd eisoes wedi profi'n hynod boblogaidd ymhlith clybiau bowlenni a sefydliadau eraill.

Mae adolygiad o sut mae rhai gwasanaethau gofal cymdeithasol yn cael eu darparu yn fordd arall y gallai'r Cyngor arbed arian. Gellid defnyddio nifer o adeiladau sydd ddim mewn defnydd hefyd yn ogystal â throsglwyddiadau i grwpiau cymunedol.

Mae cynigion hefyd i gynhyrchu incwm ychwanegol. Er enghraifft, yn gysylltiedig â Rhaglen Adfywio'r Cyngor a'r cais Lefelu i Fyny llwyddiannus a fydd yn creu marina yn y Barri ac mae cynllun i rentu gofod swyddfa yn Swyddfa'r Doc gerllaw.

Esbonio cyllideb y Cyngor

Mae treth y cyngor yn ffurfio traean o gyllideb flynyddol y Cyngor, ac mae'r gweddill yn dod o grant llywodraeth Cymru sy'n cynnwys cyfran o'r ardrethi busnes a gesglir ledled Cymru. Mae ffigyrau'r gyllideb o £331 miliwn yn wariant net ac mae'n cynnwys incwm a gynhyrchir drwy daliadau am rai gwasanaethau.

Mae'r gyllideb wedi'i rhannu ar draws llawer o wasanaethau gyda gofal cymdeithasol ac addysg yn cael y dyraniad mwyaf.