Ymgynghoriad ar y Cynllun Datblygu Lleol Newydd (CDLlN) 2021-2036

Gweld y tudalen hon yn Saesneg / View this page in English

Mae'r Cyngor yn paratoi Cynllun Datblygu Lleol Newydd (CDLlN) i lunio datblygiad yn y dyfodol ledled y Fro tan 2036.

Ar ôl ei fabwysiadu, bydd y CDLlN yn disodli'r Cynllun Datblygu Lleol presennol (2011—2026).

Rydym nawr yn gwahodd eich sylwadau ar y Cynllun Adneuo, y cam ffurfiol nesaf wrth baratoi'r CDLl.

Beth yw'r Cynllun Adneuo?

Y Cynllun Adneuo yw fersiwn ddrafft lawn y Cynllun Datblygu Lleol Newydd. Mae'n adeiladu ar y Strategaeth a Ffefrir, yr ymgynghorwyd arni rhwng mis Rhagfyr 2023 a mis Chwefror 2024, ac yn nodi sut y bydd datblygiadau yn y dyfodol yn cael eu rheoli ledled Bro Morgannwg yn ystod y cyfnod 2021—2036.

Mae'r Cynllun Adneuo yn cynnwys:

• Y strategaeth ddatblygu gyffredinol ar gyfer y Fro
• Polisïau cynllunio i arwain penderfyniadau cynllunio yn y dyfodol
• Ardaloedd o dir y dylid eu gwarchod
• Dyraniadau safleoeddpenodol ar gyfer datblygu, gan gynnwys:
  • Cartrefi newydd
  • Tir cyflogaeth

Tystiolaeth a Chynaliadwyedd

Mae'r Cynllun Adneuo wedi cael ei lywio gan sylfaen dystiolaeth gynhwysfawr, gan gynnwys astudiaethau technegol, papurau cefndir, ac adroddiadau ategol.

Cynhaliwyd Arfarniad Cynaliadwyedd Integredig (ISA) hefyd. Mae'r ISA yn asesu effeithiau cymdeithasol, amgylcheddol ac economaidd posibl y Cynllun i helpu i sicrhau datblygu cynaliadwy.

Ymgynghori

Mae'r Cyngor yn gofyn am eich barn ar y Cynllun Adneuo.

Mae'r Cyngor yn gofyn am farn trigolion, busnesau, datblygwyr, grwpiau cymunedol a rhanddeiliaid eraill ar y CDLl Adneuo.

Bydd cyfnod ymgynghori chwe wythnos yn rhedeg o ddydd Mercher 28 Ionawr tan 23:55 ddydd Mercher 11 Mawrth 2026.

Bydd yr holl sylwadau a dderbynnir yn ystod y cyfnod ymgynghori yn cael eu hystyried yn ofalus a byddant yn helpu i lywio cam nesaf y broses o ‑ lunio'r cynllun.

Mae'r CDLl Adnau a'r holl ddogfennau cefndir perthnasol ar gael i'w gweld ar borth ymgynghori'r Cyngor (https://valeofglamorgan.oc2.uk/) ac yn y lleoliadau canlynol yn ystod oriau agor arferol:

• Swyddfeydd Dinesig, Heol Holltwn, Y Barri, CF63 4RU
• Holl lyfrgelloedd sy'n cael eu rhedeg gan y Cyngor

Sesiynau galw heibio

Bydd cyfres o ddigwyddiadau ymgynghori cyhoeddus galw heibio yn cael eu cynnal i roi cyfle i drigolion ac ymgyngoreion eraill weld y cynlluniau a gofyn cwestiynau i swyddogion sy'n ymwneud â datblygu'r CDLlN. Maent fel a ganlyn: