Prosiectau tir a natur eraill

Yn dilyn ymgynghoriad cyhoeddus yn 2023, penderfynodd Partneriaeth Natur Leol y Fro gynllun gweithredu i wella bioamrywiaeth ym Mharc Sant Cyres, Penarth. Gyda chyllid gan Gynllun Lleoedd Lleol ar gyfer Natur Llywodraeth Cymru, mae'r prosiect wedi plannu perllan gymunedol gyda chymorth disgyblion Ysgol Gynradd Gatholig Sant Joseff, sefydlu ardaloedd o ddôl gyda llwybrau gwair, plannu coed brodorol, ac adeiladu ffens dros dro ar hyd y coetir i ganiatáu i'r glaswelltir adfywio'n naturiol yn brysgwydd a choetir. Yn fwyaf diweddar mae arwyddion addysgiadol wedi'u gosod o amgylch y parc i helpu i godi ymwybyddiaeth o'r prosiect gydag ymwelwyr y parc.