Creu Lleoedd Penarth
Gweld y tudalen hon yn Saesneg / View this page in English
Mae Cyngor Bro Morgannwg, mewn partneriaeth â Chyngor Tref Llanilltud Fawr, wedi paratoi Cynllun Creu Lleoedd ar gyfer canol tref Llanilltud Fawr.
Mae creu lleoedd yn ddull sy'n canolbwyntio ar bobl o gynllunio a dylunio sy'n gwella ansawdd, cymeriad a hunaniaeth ein trefi. Mae'n edrych ar bopeth sy'n gwneud lle i ffynnu – o ddatblygiadau newydd a gwelliannau i seilwaith i weithgareddau diwylliannol, digwyddiadau, a phrosiectau cymunedol bach. Gyda'i gilydd, mae'r elfennau hyn yn helpu i feithrin ymdeimlad cryfach o le a pherthyn.
Mae Cynllun Creu Lleoedd Llanilltud Fawr yn nodi gweledigaeth ar gyfer dyfodol y dref a bydd yn llywio penderfyniadau buddsoddi, gan sicrhau bod prosiectau'n adlewyrchu blaenoriaethau lleol ac yn darparu manteision parhaol i breswylwyr, busnesau ac ymwelwyr.
Dilynwch y dolenni isod i ddarllen am Creu Lleoedd Llanilltud Fawr a chyfleoedd prosiectau:
 |
|
Darganfyddwch fwy am Gynllun Penarth | Clywed am ein taith hyd yma |
Prosiectau Byw Creu Lleoedd pa brosiectau sydd ar y gweill?
Gwyliwch y gofod hwn i gael y wybodaeth ddiweddaraf am brosiectau Creu Lleoedd byw sydd ar y gweill ym Mhenarth:
 Prosiectau Byrdymor*Yn dod yn fuan* |  Prosiectau Tymor Canolig*Yn dod yn fuan* |
 Prosiectau Hirdymor*Yn dod yn fuan* |
-
Mae Cynllun Creu Lleoedd Penarth wedi'i gyhoeddi!
Rhannu Mae Cynllun Creu Lleoedd Penarth wedi'i gyhoeddi! ar Facebook Rhannu Mae Cynllun Creu Lleoedd Penarth wedi'i gyhoeddi! Ar Twitter Rhannu Mae Cynllun Creu Lleoedd Penarth wedi'i gyhoeddi! Ar LinkedIn E-bost Mae Cynllun Creu Lleoedd Penarth wedi'i gyhoeddi! dolen
Mae Penarth wedi lansio ei Chynllun Creu Lleoedd yn swyddogol, sy'n nodi cam mawr ymlaen wrth lunio dyfodol y dref.
Mynychwyd y digwyddiad lansio, a gynhaliwyd yn Turner House gan aelodau o'r gymuned ynghyd â Dirprwy Faer Penarth ac Arweinydd Cyngor Bro Morgannwg.
Pwysleisiodd y ddau arweinydd fod y lansiad yn nodi cam nesaf y broses Creu Lleoedd, gyda'r cam gweithredu i ddechrau ym mis Hydref pan fydd Bwrdd Tref Penarth yn cyfarfod am y tro cyntaf.
Oddi yno, bydd Timau Prosiect yn cael eu ffurfio i ddatblygu mentrau ledled y dref, gan ddefnyddio amrywiaeth o ffynonellau cyllid.
Dywedodd y Cynghorydd Laura Rochefort, Dirprwy Faer Cyngor Tref Penarth: "Hoffwn ddiolch i bawb a oedd yn bresennol yn lansiad ffurfiol y Cynllun Creu Lleoedd yn Nhŷ Turner. Roedd y digwyddiad yn nodi dechrau cam nesaf Creu Lleoedd ym Mhenarth ac edrychwn ymlaen at weld sut mae'r cynllun hwn yn darparu cyfleoedd i Gyngor y Dref ac i'r nifer o grwpiau cymunedol ym Mhenarth fod yn rhan o'r broses ddatblygu."
Dywedodd y Cynghorydd Lis Burnett, Arweinydd Cyngor Bro Morgannwg: "Roedd yn wych gweld niferoedd mor dda yn lansiad y Cynllun Creu Lleoedd ym Mhenarth, ac mae'n adlewyrchu angerdd y gymuned dros wneud Penarth yn lle gwych i fyw.
"Mae creu lleoedd yn ymwneud â mwy na gwneud gwelliannau ffisegol yn unig - mae'n ymwneud â chreu lleoedd lle mae pobl yn teimlo'n gysylltiedig ac yn cael eu gwerthfawrogi. Rwy'n edrych ymlaen at weld sut y bydd syniadau'r gymuned yn helpu i lunio'r bennod nesaf i'r dref."
Mae creu lleoedd yn ymagwedd sy'n canolbwyntio ar bobl, gyda’r nod o wneud trefi a mannau cymunedol yn fwy croesawgar, bywiog a phleserus i bawb.
Gall gynnwys popeth o welliannau seilwaith mawr i ddigwyddiadau diwylliannol a phrosiectau lleol bach, i gyd wedi'u cynllunio i gryfhau cysylltiad cymunedol ac ymdeimlad o berthyn.
Er y bydd rhai prosiectau yn cymryd amser i ddwyn ffrwyth, mae'r Cynllun Creu Lleoedd yn darparu map ffordd i sicrhau bod Penarth yn parhau i dyfu fel tref gynaliadwy a bywiog ar gyfer y genhedlaeth bresennol a chenedlaethau'r dyfodol.
Dyddiad: 18 Medi 2025