Meini prawf e-Ddeiseb

Caiff y Cyngor wrthod deisebau sy'n:

Cynnwys iaith sarhaus, difenwol, gwahaniaethol neu bryfoclyd

Cynnwys gwybodaeth ffug

Yn rhy debyg i ddeiseb arall a gyflwynwyd yn ystod y chwe mis diwethaf

Yn ymwneud â gwybodaeth gyfrinachol, yn fasnachol sensitif, neu wedi'i gyfyngu yn gyfreithiol

Enwi unigolion lle gellir eu hadnabod yn hawdd

Yn cael eu cyflwyno yn ystod cwyn ffurfiol neu broses gyfreithiol

Yn ymwneud â deisebau statudol, materion cynllunio, neu drwyddedu , sydd â phrosesau ar wahân

Caiff pob deiseb eu hadolygu gan Wasanaethau Democrataidd i sicrhau eu bod yn cydymffurfio â'r safonau. Nid yw cyflwyniad yn gwarantu cyhoeddi.

 Os nad yw deiseb yn bodloni'r meini prawf, bydd y deisebydd arweiniol yn cael ei hysbysu yn ysgrifenedig neu drwy e-bost. Bydd y teitl a'r rheswm dros wrthod hefyd yn cael eu cyhoeddi ar y dudalen E-ddeisebau a Wrthodwyd.

Gallwch gysylltu â'r Gwasanaethau Democrataidd i gael cyngor neu eglurhad ynghylch pam na dderbyniwyd eich deiseb.

Dylai eich deiseb fod yn berthnasol i fater y mae gan y Cyngor bwerau neu ddyletswyddau neu y mae ganddo gyfrifoldebau cyflawni a rennir arno. Dylid hefyd ei gyflwyno yn ddidwyll a bod yn weddus, yn onest a pharchus.

Gellir gwrthod eich deiseb os yw Swyddog Monitro'r Cyngor yn ei ystyried:

yn cynnwys iaith anhyblyg, llidiol, camdriniol neu bryfoclyd,

yn ddifenwol, yn wamal, yn flinderus, yn wahaniaethol neu'n sarhaus fel arall, neu'n cynnwys datganiadau ffug,

yn rhy debyg i ddeiseb arall a gyflwynwyd o fewn y chwe mis diwethaf,

yn datgelu gwybodaeth gyfrinachol neu eithriedig, gan gynnwys gwybodaeth a ddiogelir gan orchymyn llys neu adran y llywodraeth,

yn datgelu deunydd, sydd fel arall yn fasnachol sensitif,

yn enwi unigolion, neu'n darparu gwybodaeth lle y gellir eu hadnabod yn hawdd, e.e. swyddogion unigol cyrff cyhoeddus,

yn gwneud cyhuddiadau troseddol,

yn cynnwys datganiadau hysbysebu,

yn cyfeirio at fater sydd ar hyn o bryd yn destun cwyn ffurfiol gan y Cyngor, cwyn Ombwdsmon Gwasanaethau Cyhoeddus Cymru neu unrhyw achos cyfreithiol,

pan gyflwynir deiseb mewn ymateb i ymgynghoriad cyhoeddus sy'n cael ei gynnal gan y Cyngor, bydd y ddeiseb yn cael ei chydnabod fel rhan o'r broses honno a chaiff ei hystyried ynghyd ag ymateb arall i'r ymgynghoriad. Ni fydd y Cyngor o reidrwydd yn ymateb i'r ddeiseb ar wahân yn yr achos hwn,

yn ymwneud â deisebau statudol, neu ddeisebau sy'n ymwneud â Refferenda Awdurdodau Lleol sy'n dod o dan Reoliadau Awdurdodau Lleol (Refferenda) (Deisebau a Chyfarwyddiadau) (Cymru) 2001,

yn ymwneud â swyddogaethau cynllunio neu drwyddedu'r Cyngor gan fod prosesau statudol ar wahân ar waith ar gyfer ymdrin â'r materion hyn, a

nid yw'n ymwneud â mater y mae gan y Cyngor bwerau neu ddyletswyddau arno neu y mae ganddo gyfrifoldebau cyflawni a rennir arno.