Oriel luniau

Fel partner y Fro Bwyd rydym yn cefnogi Prosiect Bwyd Llanilltud. Trwy sgyrsiau gyda thrigolion ac arbenigwyr lleol, adeiladodd y bartneriaeth ddealltwriaeth o'r hyn y gellid ei wneud i leihau rhwystrau rhag cael mynediad at fwyd da yn Llanilltud Fawr. Gyda chefnogaeth arian gan y Loteri Genedlaethol, yn 2022 llwyddon ni i roi syniadau ar waith a lansio'r Hwb Mwy na Bwyd yng Nghanolfan Gymunedol CF61, cyfle i drigolion gael amrywiaeth o gymorth a chyngor o dan yr un to ar y trydydd dydd Iau o bob mis. Yn yr arlwy mae mynediad i archebu slot yn y pantri rhannu bwyd. Mae'r pantri yn dosbarthu bwyd o ansawdd da i'r rhai sydd ei angen. Gyda chynaliadwyedd yn nod allweddol, ceir y bwyd sydd ar gael drwy brosiectau tyfu lleol fel Plant Llanilltud a Fareshare Cymru, gwasanaeth sy'n dargyfeirio bwydydd dros ben a gormod o archfarchnadoedd o wastraff i ddefnyddwyr. Yn dilyn blwyddyn gyntaf lwyddiannus yn Llanilltud Fawr, sicrhaodd y prosiect le yn y Lle Casglu, Flemingston Road, Sain Tathan CF62 4JH i gynnal pantri bwyd bob pythefnos.