Gweld y dudalen hon yn Saesneg / View this page in English

Pam ei bod yn bwysig ailgylchu gwastraff bwyd?

Oeddech chi'n gwybod bod gwerth £17 biliwn o fwyd bwytadwy yn cael ei daflu i ffwrdd yn y DU bob blwyddyn?

Mae gwastraff bwyd yn cael effaith enfawr ar yr amgylchedd os yw'n dod i ben mewn tirlenwi — wrth iddo pydru, mae'n rhyddhau methan, sy'n nwy tŷ gwydr niweidiol.

Mae rhywfaint o wastraff bwyd fel croen banana a sgrapiau plât yn anochel. Yn ffodus, gellir ailgylchu'r gwastraff bwyd hwn ym Mro Morgannwg.

Beth sy'n digwydd i'm gwastraff bwyd ar ôl iddo gael ei gasglu?

Mae Cyngor Bro Morgannwg yn casglu gwastraff bwyd gan drigolion bob wythnos. Yn 2023/24, casglodd y Cyngor 7,000 tunnell o wastraff bwyd gan drigolion y Fro.

Ar ôl ei gasglu, caiff eich gwastraff bwyd ei ddwyn gan ein criwiau i ganolfan ailgylchu leol, lle caiff ei ddadlwytho o'r lori ac i mewn i sgip.

Unwaith y byddant yn llawn, caiff y sgipiau hyn eu cludo i gynllun trin gwastraff bwyd yng Nghaerdydd sy'n cael ei redeg gan Dŵr Cymru.

Bydd Dŵr Cymru wedyn yn chwalu'r gwastraff bwyd drwy broses a elwir yn dreulio anaerobig - adennill y nwy a ddefnyddir wedyn ar gyfer gyrru tyrbinau a chynhyrchu trydan.

Gwyliwch y fideo i ddysgu mwy am y broses:

Sut mae gwastraff bwyd yn cael ei ddefnyddio?

Mae'r bio-nwy a adferwyd yn cael ei ddal a'i drosi'n ynni gwyrdd, gan gynnwys trydan, gwres a thanwydd trafnidiaeth.

Mae hefyd yn cynhyrchu bio-wrtaith, sy'n cefnogi ffermio ac adfywio tir.

Mae ailgylchu gwastraff bwyd yn helpu i leihau dibyniaeth ar danwydd ffosil, diogelu bywyd gwyllt, iechyd pobl, a'r amgylchedd - tra'n darparu ffynhonnell ynni gynaliadwy, eco-gyfeillgar.