Cyfleoedd Grant Coed a Choetiroedd
Rhannu Cyfleoedd Grant Coed a Choetiroedd ar Facebook
Rhannu Cyfleoedd Grant Coed a Choetiroedd Ar Twitter
Rhannu Cyfleoedd Grant Coed a Choetiroedd Ar LinkedIn
E-bost Cyfleoedd Grant Coed a Choetiroedd dolen
Gweld y tudalen hon yn Saesneg / View this page in English
Mae llawer o Grantiau Coed a Choetir ar gael yng Nghymru. Gallech gael arian i blannu coeden yn eich gardd neu greu coetir cyfan ar eich tir. Mae'r grantiau ar gael i unigolion, grwpiau cymunedol, ysgolion, ffermwyr, a mwy.
Gall Cyfoeth Naturiol Cymru roi cyngor i chi os ydych yn gwneud cais am grant. I gael rhagor o wybodaeth, ewch i Cyfoeth Naturiol Cymru. Gallwch hefyd gysylltu â WoodlandCreation.Hub@cyfoethnaturiolcymru.gov.uk am gyngor cyn ymgeisio.
| Enw'r Grant | Gwybodaeth | Cymhwysedd | Dyddiadau Allweddol |
|---|---|---|---|
| Grant Coed Cadw ar gyfer Tirfeddianwyr a Ffermwyr | Grant i blannu coeden unigol neu ychydig o goed ar eich tir. | Rhaid i chi fod yn dirfeddiannwr neu'n ffermwr ar dir mawr y DU. | Mae ceisiadau ar gyfer cyflawni ym mis Tachwedd 2023 ar agor ar hyn o bryd. |
| Grant Coed Cadw ar gyfer Ysgolion a Grwpiau Cymunedol | Grant i blannu coeden unigol neu ychydig o goed ar eich tir. | Rhaid i chi fod yn aelod o ysgol neu grŵp cymunedol ar dir mawr y DU. Rhaid i chi gael caniatâd y tirfeddiannwr. | Mae ceisiadau ar gyfer cyflawni ym mis Tachwedd 2023 ar agor ar hyn o bryd. |
| Cynllun Cynllunio Creu Coetir Llywodraeth Cymru | Cymorth ariannol i ddefnyddio cynllunydd coetir cofrestredig i ddatblygu cynllun creu coetir ar gyfer ardal o 0.25 hectar neu fwy. | Ar gael i ffermwyr, tirfeddianwyr eraill a rheolwyr tir yng Nghymru sy'n gwneud cais am gyllid i ddefnyddio cynllunydd coetir cofrestredig. Rhaid i'r tir fod mewn ardal sensitifrwydd isel. | Mae ceisiadau ar agor ar hyn o bryd. |
| Grant Creu Coetir Llywodraeth Cymru | Mae'r grant hwn yn darparu cymorth ariannol ar gyfer creu ardaloedd mwy o goetir neu ardaloedd bach nad ydynt yn addas ar gyfer y Cynllun Grantiau Bach - Creu Coetir. Bydd angen i chi wneud cais am y Cynllun Cynllunio Creu Coetir a bod â chynllun ar waith cyn y gallwch wneud cais am y cynllun hwn. | Gall ffermwyr, rheolwyr tir a thirfeddianwyr eraill wneud cais am y cynllun. Rhaid bod gan ymgeiswyr Gynllun Creu Coetir wedi'i ddilysu cyn gwneud cais. Y darn lleiaf o dir ar gyfer cais yw 0.25ha. Nid oes terfyn uchaf o ran maint yr ardal. | Mae ceisiadau ar agor ar hyn o bryd ac yn cau ar 15 Medi 2023. |
| Y Cyngor Coed: Estyn Allan | Mae Estyn Allan yn darparu grantiau sy'n amrywio o £250 i £2,500 mewn gwerth i sefydlu coed, gwrychoedd a pherllannau yn nhymor plannu 2023/24. | Mae ceisiadau ar agor i grwpiau cymunedol, ysgolion, elusennau cofrestredig bach, a Rhwydweithiau Wardeniaid Coed | Mae ceisiadau ar agor ar hyn o bryd ac yn cau ar 3 Rhagfyr 2023. |