Trafnidiaeth - Beth ydym yn ei wneud?
Gweld y tudalen hwn yn Saesneg / View this page in English
Mae llawer o'n gwaith i ddatblygu seilwaith trafnidiaeth yn canolbwyntio ar wneud trafnidiaeth fwy cynaliadwy yn haws a lleihau allyriadau carbon o ddefnydd ffyrdd.
Mae'r dudalen hon wedi'i chynllunio i ddangos rhai enghreifftiau i chi o'r gwaith trafnidiaeth y mae'r Cyngor yn ei wneud fel rhan o Brosiect Zero.
Treial ail-wynebu sero net carbon
Ym mis Medi 2024, gweithiodd ein Tîm Cynnal a Chadw Priffyrdd gyda Miles Macadam i ail-wynebu Ffordd Sgomer yn y Barri gyda deunydd ffordd sero net. Mae hwn yn rhan o dreial i gyflwyno rhaglenni cynnal a chadw priffyrdd hirdymor, cynaliadwy i Fro Morgannwg.
Cafodd y ffordd ei ail-wynebu gan ddefnyddio gyda Biopave™, system wyneb unigryw a gynlluniwyd i ddal carbon o fewn wyneb y ffordd ac atal ei ryddhau i'r atmosffer.
Mae Biopave™ wedi darparu arwyneb gwydn, cynaliadwy i'r Cyngor a thrigolion lleol a fydd yn lleihau effaith amgylcheddol adeiladu a chynnal a chadw ffyrdd yn sylweddol.
Roedd y prosiect hefyd yn defnyddio agregau slag dur Cymreig, a oedd yn gostwng yr ôl troed carbon yn fawr drwy ddileu'r angen i fwyngloddio deunyddiau newydd.
Cynllun Teithio gyda Gofal
Ym mis Hydref 2023, fe wnaethom bartneriaeth gyda'r elusen teithio llesol Sustrans Cymru i dreialu ein cynllun Teithio gyda Gofal yma ym Mro Morgannwg.
Mae'r cynllun yn galluogi gweithwyr gofal i fenthyg e-feic a'r pecyn ychwanegol sydd ei angen iddynt ei ddefnyddio ym mhob tymor.
Nid yn unig mae'r prosiect yn ei gwneud hi'n haws i weithwyr gofal cartref deithio am waith o amgylch y Fro, ond mae hefyd yn hyrwyddo Teithio Llesol trwy wneud dulliau cludiant cynaliadwy yn fwy hygyrch i unigolion yn ein cymuned.
Ers lansio'r prosiect peilot, mae adborth gan ofalwyr lleol wedi bod yn hynod gadarnhaol.
Yn ogystal ag annog teithio llesol cynaliadwy, mae'r prosiect wedi bod yn fuddiol i weithwyr gofal drwy eu galluogi i deithio ymhellach, sy'n golygu eu bod wedi gallu codi mwy o waith o fewn yr ardal.
Gwell Llwybrau Teithio Llesol a Bioamrywiaeth yn Eglwys Brewis
Yn 2024, agorodd llwybr Teithio Actif newydd Eglwys Brewis sy'n cysylltu Heol y Bont-faen, Sain Tathan a Ffordd Fynediad y Gogledd.
Wedi'i ariannu gan Grant Teithio Llesol Llywodraeth Cymru, mae'r gwelliannau hyn wedi'u cynllunio i gefnogi iechyd a llesiant cymunedau ac annog dulliau gweithredol o deithio ledled Cymru.
Yn ystod datblygiad y cynllun cymerwyd gofal arbennig i sicrhau ein bod yn parhau i gydymdeimlo ag anghenion y bywyd gwyllt presennol. Rydym wedi cadw'r llinell goed bresennol ac wedi cynnal yr un lefel o oleuadau fel na fydd y newidiadau newydd yn effeithio'n negyddol ar boblogaethau ystlumod a bywyd gwyllt arall.
Er mwyn cynyddu'r bioamrywiaeth yn yr ardal, mae ein Tîm Parciau hefyd wedi plannu 26 rhywogaeth leol o goed, 1800m2 o laswelltir, 140m2 o wahanol ardaloedd plannu bylbiau a 740m2 o ardaloedd plannu lefel isel a llwyni.
Gwelliannau Teithio Llesol Ysgol Gynradd Romilly
Mae Ysgol Gynradd Romilly ymhlith 300 o ysgolion yng Nghymru i weithredu gwelliannau sy'n helpu disgyblion i deithio yn weithredol i'r ysgol.
Yn dilyn galwad i weithredu gan Lywodraeth Cymru i ysgolion greu eu Cynllun Ysgolion Teithio Llesol eu hunain, mae Ysgol Gynradd Romilly wedi gwneud gwelliannau i ddiogelwch ar y ffyrdd, wedi annog gweithgarwch corfforol, ac wedi rhoi mwy o opsiynau i deuluoedd ar gyfer cludiant ysgol.
Mae rhai uchafbwyntiau llwyddiant Romilly yn cynnwys gweithredu lloches feiciau ecogyfeillgar newydd, a gwelliannau i balmentydd y tu allan i'r ysgol.
Efallai y bydd datblygiad Romilly hefyd yn caniatáu mynediad at gyllid, drwy gynlluniau fel Llwybrau Diogel mewn Cymunedau Llywodraeth Cymru.
Mae cynlluniau ysgolion teithio llesol yn bwysig i ni yn y Fro, ac mae gwaith caled Romilly wedi arwain at fod plant ac oedolion yn cael ffyrdd mwy diogel a mwy cynaliadwy o deithio i'r ysgol.
